Óperan 27

Fyrirsöngur

hinÓperan í samstarfi við Borgarleikhúsið auglýsir fyrirsöng fyrir uppfærslu á óperunni 27 eftir Ricky Ian Gordon við texta Royce Vavrek. Bjarni Snæbjörnsson leikstýrir óperunni og Matthildur Anna Gísladóttir fer með tónlistarstjórn. Frumsýning verður síðustu helgina í október 2026 á litla sviði Borgarleikhússins.

Leitað er að fjórum söngvurum:

• Sópran í hlutverk Alice B. Toklas.
• Tenór í hlutverk Pablo Picasso, F. Scott Fitzgerald o.fl.
• Barítón í hlutverk Leo Stein, Man Ray o.fl.
• Bass-barítón í hlutverk Ernest Hemingway, Henri Matisse o.fl.

Íris Björk Gunnarsdóttir mun fara með hlutverk Gertrude Stein.

Við leitum að öflugum og skapandi söngvurum sem hafa áhuga á að taka þátt í metnaðarfullu verkefni þar sem list, saga og hinsegin sýnileiki mætast á sviðinu. Reyndir óperusöngvarar sem og þeir sem nýlega hafa lokið námi eru hvattir til að sækja um. Við tökum vel á móti umsóknum frá öllum óháð kyni, kynhneigð og/eða kynvitund.

Að lokinni yfirferð á upptökum verður völdum umsækjendum boðið í fyrirsöng 18. eða 19. apríl í sal Söngskóla Sigurðar Demetz, Ármúla 44.

Í fyrirsöngnum munu söngvarar flytja valda hluta úr óperunni sjálfri og er velkomið að styðjast við nótur. Nótur má finna í Google Drive möppu — HÉR.

Upptöku frá heimsfrumsýningunni í St. Louis má finna á Spotify. HÉR.

Ef einhverjar spurningar vakna má endilega hafa samband á hinoperan@gmail.comAfritað!.

Um óperuna 27 →